மறுஜென்மம்

திக்குத் தெரியாதக் காட்டில்

அலைவதை போல்

இலக்கு தெரியாமல்

நாளும் அலைகிறது

இலக்குகளை இழந்த மனம்.

கண்முன் தென்படும்

பாதைகள் அனைத்தும்

இலக்கு நோக்கு இட்டுச்செல்லும்

என்ற நம்பிக்கையில்

ஒவ்வொரு கணமும்

நீள்கிறது தேடல்.

நீளும் பாதையில்

மனம் முழுக்க

எதிர்பார்ப்பை சுமந்து

தொடரும் பயணத்தின் முடிவாய்

கண்முன் விரிகிறது

முற்றுப்பெற்ற

மற்றுமோர் சூன்யமான சூழல்.

இருள்சூழ்ந்த வெளியில்

இலக்கு நோக்கிய

பயணத்தின் துணையாய்

மனமெங்கும் நம்பிக்கை படர

ஒளியை நோக்கி இட்டுச்செல்லும்

பாதை மனதுக்குள் விரிகிறது

மறுஜென்மம் ஒன்றை பரிசளித்தபடி.

கவிஞர் ச.கோபிநாத்

சேலம்

நன்றி – தினமணி கவிதைமணி