சுகங்களும்
சுமைகளும்
மனமெங்கும் வியாபிக்கும்
அர்த்தமிகு அன்பால்
மொட்டாய் முகிழ்த்து
மலராய் விரிகிறது நேசம்.
திக்கெட்டும் பரவும்
பூக்களின் மணமென
மனிதர்கள் மீதான
அக்கறை ஊற்றெடுக்க
அன்பின் மழையால்
நனைகின்றன மனங்கள்.
எதிர்பார்ப்புகள் ஏதுமின்றி
விட்டுக்கொடுத்தலின்
அர்த்தம் உணர்ந்து
முன்னெடுக்கும் வாழ்க்கையால்
மனங்களில் ஆழப்பதிகின்றன
அன்பின் விதைகள்.
வாழ்வின் எல்லாமுமாய்
நட்பும் உறவும் சங்கமிக்க
சுகங்களின் சுவடுகளாய் மலர்ந்து
ஆனந்த மழையில்
நனைய துணைநிற்கின்றன சுமைகள்.
கவிஞர் ச.கோபிநாத்
சேலம்
நன்றி – தினமணி - கவிதைமணி

No comments:
Post a Comment